ទូតចិនប្រចាំកម្ពុជាថ្វាយម៉ាសវេជ្ជសាស្រ្តចំនួន ២០ ម៉ឺនបន្ទះចំពោះព្រះ មហាក្សត្រនិងសម្តេចព្រះមហាក្សត្រីយានី
ភ្នំពេញ : ម៉ាសវេជ្ជសាស្រ្តចំនួន ២០ម៉ឺនបន្ទះដែលជាអំណោយរបស់ភាគីចិនត្រូវបានថ្វាយចំពោះព្រះករុណា ព្រះបាទសម្ដេច ព្រះបរមនាថ នរោត្ដម សីហមុនី ព្រះមហាក្សត្រ នៃព្រះរាជាណាចក្រកម្ពុជា និងសម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ក្នុងសេរីភាព សេចក្តីថ្លៃថ្នូរ និងសុភមង្គល។
ពិធីប្រគល់និងទទួលអំណោយនេះត្រូវបានប្រព្រឹត្តទៅនាថ្ងៃទី២៤ ខែឧសភា ដោយលោក Wang Wentian ឯកអគ្គរដ្ឋទូតចិនប្រចាំកម្ពុជា ជូនទៅសម្ដេចចៅហ្វាវាំង វរវៀងជ័យ អធិបតីស្រឹង្គារ គង់ សំអុល ឧបនាយករដ្ឋមន្រ្តី រដ្ឋមន្រ្តីក្រសួងព្រះបរមរាជវាំងនៃព្រះរាជាណាចក្រកម្ពុជា ជាព្រះរាជតំណាងព្រះមហាក្សត្រនិងសម្តេចព្រះមហាក្សត្រីយានី៕
